Jaku pesan tu besai endar reti ba kitai ke ngumbai diri Kristian. Dua iti jalai gereja tauka serakup Kristian ngerembaika Berita Manah tu iya nya ngena jalai radio enggau TV . Ba menua kami ditu, mayuh amat stesen radio enggau TV ti mina naburka program pasal pengarap Kristian.
Lebuh aku ngenangka penyamai orang ninga/meda/macha pasal Berita Manah Allah Taala ari radio, TV tauka ari bup ba menua kami ditu, sinu ga aku ngenang pendiau kitai di Malaysia. Kitai enda ulih ngaga stesen radio tauka TV ti mina ngemansangka pengarap kitai. Kitai enda ulih nyual bup pengarap kitai ba sebarang kedai bup. Kitai enda tau ngeluar surat kabar ti ngundan sekeda leka jaku. Kitai enda tau bekunsi pasal pengarap kitai ngagai orang ke udah megai pengarap Islam.
Taja pia, barangsapa ti bebendar ngiga Allah Taala, tetap tetemuka Iya. Barangsapa ti ka ngisi ati sida enggau pemendar Allah Taala tetap tulihka iya. Pasang aja short wave radio, dia kitai ulih tetemuka radio pasal pengarap Kristian. Enda ibuh sebut agi enti ngena internet. Enti bisi penanggul, ati kitai aja ke nyadi penanggul.
Aku deka bekunsi ditu kesaksian sekeda orang ke udah nerima pengelepas ari Tuhan Jesus. Anang kitai ngumbai kategal pengawa ngerembai pengarap kitai ngagai orang ke udah megai pengarap Islam disekat perintah, sida enda ulih ditegu agi. Enti kitai mina ngena kuasa mensia sigi enda ulih pan tang kuasa Allah Taala besai agi ari kuasa ke ba dunya tu.
Jesus tau negu pengidup orang ke endang amat-amat ngiga iya, lalu Iya tau ngayanka diri Iya ari mimpi, ari malikat iya, ari radio enggau TV, ari kaban belayan orang nya empu, tauka ari kunsi orang ke enda dikelala iya.
Siku orang ke udah ditegu Allah Taala iya nya Mark Gabriel, bansa Arab ari menua Egypt. Saksi iya amat meransang aku, laban munyi ku aku tadi kuasa Allah Taala enda ulih diperagam kitai mensia.
Siti program TV ti udah negu mayuh orang bansa Arab ke megai pengarap Islam iya nya Al Hayat. Program tu dipanchar ari America, ngajar pasal pengarap Kristian lalu endang dituju ngagai bansa Arab ke megai pengarap Islam. Aku bekunsi siti video alai siku lelaki bansa Arab ari Algeria nerima pengelepas ke diberi Tuhan Jesus ngagai samua orang ti arap ke iya. Pelaba aku enti program baka Al Hayat ulih diterima ba menua Malaysia tentu mayuh orang ti megai pengarap Islam tetarit hati mega.
Sapa kitai ke diau ba Malaysia enda kala ninga nama Lina Joy? Lina Joy semina siku aja orang bansa Melayu ke udah ninggal pengarap lama iya lalu nerima pengelepas ke diberi Tuhan Jesus. Siku agi indu Melayu ke bisi mega nerima pengelepas ari Tuhan Jesus benama Maria. Cherita iya tau dibacha ditu. Enti kita enda kala ninga pasal lelaki Melayu benama Benjamin Stephen, giga aja nama iya ba YouTube. Dia kita tetemu mayuh video mantah Benjamin Stephen kategal iya ka bekunsi kebuah iya ninggal pengarap iya alu nyadi orang ke nitih Tuhan Jesus.
Kitai mina kala ninga sida ke disebut ditu laban sida tampak agi rita tang lebih mayuh ke enda ditemu kitai, ti belalai ngembuan pengarap sida.
Kitai mina ulih meri puji ngagai Tuhan laban mina iya aja ti ulih negu ati siku-siku lalu mai sida ngagai jalai ke bendar.
Ku Jesus, "Enti dunya begedi ngagai kita, kita enda tau enda ingat ke iya ti udah dulu begedi ati ngagai aku. Enti kita endang enggi dunya, iya deka rindu ke kita. Tang aku udah milih kita ari dunya tu, lalu kita ukai enggi iya; nya kebuah dunya begedi ngagai kitai." (John 15:18-19)
selamat bekelala wai...selabuh aku mansa blog raban kitai iban..nyu ngetu enda lama ga aku ba blog dik. Rindu ati maca 'pengasai kasih tuhan jesus ba tubuh dik empu...puji tuhan!
ReplyDeleteUntung amai kitak diak...laban kitak diak ulih ninga BERITA MANAH ari Tuhan Jesus. Enti ngenang ba menua kitai ditu....jauh panggang ari api. Konon,aja menua kitai tuk demokrasi..bebas beragama...di dinga ngam amai aaa..tang Siti perlembagaan kerajaan...kitai ke ukai muslim sigi di tagang ngerembai ke BERITA Manah ngagai urg muslim...besai gik isue...ketegal word ALLAH ke di kena bible kitai dlm jaku melayu..ukai jaku melayu ke bendar jaku indonesia. Ok lah...agi ulih sabar ketegal utai baka nya...sekejap madah jaku nya di kemendar...dahnya enda sampai sari...leka jaku ALLAH nya enda di kemendar ketegal bantahan ari fatwa negeri...sabar aja...
Tang paling enda masuk akal...ba untak aku...perintah besai MALAYSIA mengharamkan....news Harold..(news utk urg kristian aja)enda tau di tulis dlm bahasa Malaysia...iya tau di tulis dlm jaku English enggau Mandrin aja...kati runding dik...keterlaluan ukai...
Cross ke bisi begantung ba mission school(diatu sekolah bantuan kerajaan ko kitai)..udah nadai agi wai...kena angkat magang...nama Saint tauka nama nama ke bisi kaitan enggau Christian pen dah di ganti...majak amai perintah menua kitai diatu...slow and steady ko ribai ngikis nya ari kitai.
Munyi ke jai jaku aku dinga dik...sigi gaya Sitan sigi cukup nangi serta takut ke Nama JESUS..hehehehe..enda pia?
Merapu aku di dinga dik...aku minta ngarap ke pengarap kitai tuk kering nadai mudah lemi ketegal pengasih tuhan jesus ngagai kitai. Puji tuhan...sebedau aku nyurut ke diri..happy ester wai...May god blessed you and your family.
Terima kasih, laban bisi ngetu ba ruai aku tu alu bisi ninggal buah runding nuan.
ReplyDeleteSigi amat kitai ba menoa Malaysia ditagang bekunsi pengarap kitai kristian enggau orang megai pengarap Islam, tang kuasa Tuhan enda ulih disekat. Kitai ka enda ninga berita tang tiap taun mayoh pen ninggal agama Islam alu belalai nyembah Tuhan Jesus.
Endang bisi nyadi impian aku .. muka radio enggau stesen tv ti mina ngeluar program pengarap kitai kristian di menoa Malaysia din. Enda mustahil utai tu terjadi. Tuhan merkat kitai.
Ba menoa Lebanon bisi endang bisi siti program tv/radio naburka BERITA MANAH 24jam dlm jaku Arab& Ribai.Tang org kristian enggau islam nadai kala betalat leka jaku ALLAH,baik nyebut tauka nulis.Ba menoa kitai tu nadai tau salah patah mimit jaku randau pasal pengarap alu berebut 'org' nyalak.
ReplyDeletekala meda ceramah Benjamin stephen-Allah Taala meruan enggau iya belama.
Sigi amat, laban orang ba timur tengah endang nemu usul asal leka jaku nya. Kitai ka ba Malaysia ka ngumba, mina sida aja ka tau ngena leka jaku nya ... laban ka takut urang megai pegarap sida limpang enti enda disekat penemu sida.
ReplyDeleteKerja ngerembaika jako Allah Taala & pengarap Kristian sigi pedis di menoa Malaysia kelebih agi ngagai bansa Melayu. Kitai ka udah megai pengarap Kristian pan selalu amat di racun enggau dakwah-dakwah orang Islam sama ada dalam media, endur kerja, dalam bas, di sekula, tauka di tisi jalai. Enti ati kitai lemi, kitai deka laboh. Makin hari makin maioh isu ngaitka orang kristian tu orang jai, nadai pengidup meruan, pemabuk, bejudi, etc. Aku heran ga laban orang ke ngereja pengawa jai nya rata2 orang melayu agama islam.
ReplyDeleteMalam tadi aku bisi meda Espose Mistik ba Astro, indu melayu di rasuk Iblis (konon2nya la, padahal ngelakon diri empu aja) madahka diri di rasuk Jin Kafir. Jin nya ngasoh iya masuk Kristian laban enti masuk Kristian iya confirm masuk surga. Udahnya iya madahka diri di anjong siko bomoh besai Kristian ari Sabah. Indu nya peda aku sengaja ngaga provokasi & ngachau pendiau orang kristian. Ba aku Indunya & penerbit programnya tau di anjong ngagai ISA di bawah akta hasutan & mengganggu ketenteraman orang awam. Maioh agi program ke bakanya tau ditemu kitai dalam TV di Malaysia kemaia ari tu. Kitai enda ulih ngambi nama2 tindakan. Let God judge them.
Di Malaysia semina Sarawak aja bisi ngeluarka program radio berunsurka Kristian lebih agi maia Krismas enggau Good Friday taja enda selalu. Di Sabah udah diharamkan ari taun 1970an suba maia Tun Mustapha nyadi TYT. Maioh orang Sabah nyadi Islam maianya termasuk CM sida iya Donald Stephens (Tun Fuad Stephens. Bala Paderi & missionaries, maioh diburu pulai. Bisi sekeda dikurung dalam Jel & bisi ga dibunuh (siko paderi Protestant dibunuh di Kudat, bangkai iya di heret ba jalai raya).
Aku ngarapka kitai kering megai pengarap tu laban bup kudus udah madahka kitai nyadi orang Kristian segi pedis & maioh temptations enggau persecutions. Besampi selalu & ingat ka 10 commandments
Bujang Krian, sorry laban laun nyaut comment nuan!
ReplyDeleteSigi strategy sida Muslim meh nya madahka pengidup orang kristian enda manah, munyi ko nuan. Tang enti kitai meda ba M'sia sapa ka tebal agi ngaga maksiat? Balat ditangang, balat agi ka ngelaban perintah agama sida.
Amat sengaja ngaga provokasi meh program ekspose ba Astro nya ... laban pengarap kitai enda mudah ringat enggau utai baka nya, nadai meh kitai peduli .. awak ka bala sida aja lah betul.
Kitai ti megai pengarap kristian ba menua Malaysia anang aja ngalah kediri ma udah policy perintah negu tauka nyekat pengerembai pengarap kitai ba bansa ukai melayu tauka orang muslim .. pengawa perintah tu selalu senyap2 alu kitai tu bakaka beli ma udah ninga/macha rita pasal Bup Kudus kitai kena ban.
Kitai ba Sarawak anang enda nyaga 'freedom' ti bisi ba menua kitai. Munyi ko nuan ba Sarawak aja meh bisi ngeluar program beunsur agama kristian. Enti kitai enda bejaga, baka menua bukai meh kitai .. mina siti agama aja tau pansut ba tv enggau radio.
Persecution sigi enda jauh ma kitai udah alah alah pengarap bukai. Sama2 nemu meh kitai reti jako nya.
Terima kasih ke pemanah pemeri Allah Taala ti bisi udah muka ruai kitai ti baka tu endor kitai tau bekusi ke penemu. Lebuh aku ti mansa ditu enggai enda meri jako seleka dua.
ReplyDeleteLeboh aku ti maca serebana bala kita, amat berasai sinu ga ngenang bansa kitai, tak nadai bansa agi baik dalam pengawa tau ke kuasa ti di banding ke enggau dulu suba tak iban ti megai menoa rebak aki kitai sida Tun Jugah & kalong kelia. Diatu bansa kitai pen nyau majak lesap.
Ngenang ba bejalai ke pengarap, aku sama munyi ke bala nya tadi, amat enda setuju ke nama kebuah radio Iban enggai ngeluar ke program ti baka tu tang pasal pengawa Islam di beri peluang ba radio bagi iban.
Tang taja pia, aku mai kitai sama anang putus ati laban jako Jesus ti di tuju ke iya ba dalam injil Matthew 20 tu ngagai samoa ti munyi tu;"Nya alai bejalai kita ngagai samoa bansa orang di sebarang endor lalu ajar sida nyadi murid aku: baptisa sida dalam nama apai, enggau Anak, enggau Roh Kudus, lalu ajar sida ngasi ka utai ti udah dipesan aku ngagai kita. Kingat ka! "Aku udah diberi samoa kuasa di serega enggau dunya. Nya alai bejalai kita ngagai samoa bansa orang di sebarang endor lalu ajar sida nyadi murid aku: baptisa sida dalam nama apai, enggau Anak, enggau Roh Kudus, lalu ajar sida ngasi ka utai ti udah dipesan aku ngagai kita. Kingat ka! Aku seruran deka enggau kita datai ka pemadu dunya." (Matthew 28:19-20)
Ba aku, jako ti munyi tu patut nyadi ke peransang kitai, enda ibuh nengah radio tang pajak ke nengah cara kitai ti bejalai. Dulu kelia Jesus enda ngena radio tang iya mujur laban iya bisi Roh Allah Apai enggau iya ngereja pengawa. Lalu ba kitai ti ke sahari tu, iya mega madah ke diri; "Kingat ka! Aku seruran deka enggau kita datai ka pemadu dunya". Jesus bedau berubah agi mengkang enggau kitai.
Nya alai menyadi pajak ke penemu enggau cara kitai, laban Tuhan deka merkat ke bansa kitai enti kitai rindu ke iya. Aram meh kitai sama meransang pangan diri ngereja pengawa ke Tuhan Jesus kitai, ngiga bala kaban belayan kitai ti tesat lalu mai sida ngagai Tuhan.
Pengasih Jesus Kristus Tuhan kitai, Pengerindu Allah Taala, Penyaup Roh Kudus meruan enggau kitai semoa datai ka belama- Lama iya .
Amin.
Terima kasih.
Tabi basa ke nuan endu ke udah muka endur raban "bedus" bejaku ditu. Aku baru tetemu ke "ruai" nuan ditu. Manah amat nya. Ditu aku mega bekunsi penemu mimit pasal urang Kristian di Malaysia. Ke bendar enda kelalu pedis kitai ngerembai ke pengarap Kristian ba urang Islam laban sida udah nemu Jesus ( Isa AS ), semina sida ENDA/ENGGAI ngaku Jesus nya Tuhan KETEGAL "ajaran sesat Muhammad". Pedis agi ngerembai ke pengarap Kristian ngagai urang Iban/Dayak. Mission kita/kitai patut ngagai Dayak/Iban dulu sebedau ka bejalai nginjil ngagai urang Islam. Ti pengarap kering - IN GOD EVERYTHING IS POSSIBLE. Mayuh agi Iban/Dayak ke bedau Kristian ari urang Islam ke udah kala nemu nama Isa AS...Anang takut ke Islam tang kena konsep I + Shall + Love + All + Muslim. T Q
ReplyDelete